Borgarplast hefur verið að framleiða toghlera úr plasti fyrir íslenska fyrirtækið Pólar sem hefur þróað þá úr plasti sem ætlað er að leysa af hólmi hina óhagkvæmu tréhlera.
Í sjónvarpsfréttum RÚV var fjallaði um verkefnið þar sem segir meðal annars frá því hvernig fyrirtækið hefur nýtt sér hringrásarhagkerfið. Hlerarnir sem Borgarplast smíðar hér heima eru unnir úr plasti frá Danmörku sem að hluta til kemur úr íslenskum fiskinetum.
skjákot frá ruv.is
Matthías Matthíasson hefur verið ráðinn framkvæmdastjóri Borgarplasts.
Í tilkynningu segir að með ráðningunni sé stefnt að því að byggja ofan á þær traustu stoðir sem Guðbrandur Sigurðsson, fráfarandi framkvæmdastjóri, hafi lagt grunninn að.
Einnig segir að nýr framkvæmdastjóri muni leggja sérstaka áherslu á sölu og útflutning en Matthías búi yfir mikilli reynslu á því sviði. Á árunum 2009-2020 starfaði hann sem framkvæmdastjóri flutningasviðs hjá Eimskip.
Á árunum 2004-2009 var hann framkvæmdastjóri Komatsu í Danmörku og þar áður starfaði hann sem framkvæmdastjóri Eimskips í Englandi.
Borgarplast framleiðir fiskikör og frauðkassa fyrir ferskan fisk, frauðeinangrun og ýmsar fráveitulausnir á borð við brunna, olíuskiljur og rotþrær. Í Mosfellsbæ rekur Borgarplast hverfisteypu fyrir fiskikör og er stærsti söluaðili einangraðra fiskikara á Íslandi ásamt því að selja fiskikör til allra heimsálfa. Í Reykjanesbæ starfrækir fyrirtækið frauðverksmiðju með umtalsverða framleiðslugetu.
Guðni Þórðarson fyrrverandi framkvæmdastjóri Borgarplast lést þann 18. maí síðastliðinn í Reykjavík. Hann stofnaði Borgarplast í Borgarnesi árið 1971 ásamt sex öðrum Borgfirðingum og var í forsvari fyrir félagið sleitulaust frá 1971 til 2018. Í byrjun einbeitti Borgarplast sér að framleiðslu á húsaeinangrun en árið 1983 hóf það framleiðslu á hverfisteyptum fiskikörum á höfuðborgarsvæðinu sem flestir tengja félagið við í dag. Þannig var Guðni sannur frumkvöðull að mikilvægum nýjungum í sjávarútvegi sem lögðu grunninn að aukinni tæknivæðingu og bættri meðhöndlun sjávarfangs með einangruðum fiskikörum.
Guðni, sem var fæddur á Akranesi árið 1939, lærði byggingartæknifræði í Danmörku og lagði metnað sinn í að vanda til hönnunar og að tryggja að framleiðsla félagsins væri með því besta sem gerðist á markaði. Samhliða framleiðslu á fiskikörum var byggð upp framleiðsla á fráveitulausnum af ýmsu tagi auk þess sem frameiðsla á húsaeinangrun var útvikkuð yfir í frauðkassa fyrir fiskútflutning.
Þannig lagði Guðni grunn að öflugum rekstri Borgarpalasts en félagið mun fagna hálfrar aldar afmæli á næsta ári. Eiginkona Guðna var Sjöfn Guðmundsdóttir sem lifir mann sinn en hún starfaði náið með honum um árabil hjá Borgarplast.
Starfsfólk Borgarplasts sendir Sjöfn og dætrum þeirra þriggja og fjölskyldum þeirra hugheilar samúðarkveðjur vegna andláts Guðna.
F.h. Borgarplasts hf,
Guðbrandur Sigurðsson, frkv.stj.
Nú um áramótin verða stór tímamót þegar Plastgerð Suðurnesja (PS) í Reykjanesbæ mun sameinast Borgarplast hf., undir merkjum Borgarplast hf. PS á sér langa sögu en frá árinu 1965 hefur félagið framleitt húsaeinangrun og frá árinu 1969 hefur félagið framleitt kassa undir útflutning á ferskum fisk.
Sameining félaganna kemur til framkvæmda nú um áramótin. Þrátt fyrir þessar breytingar munu viðskiptavinir Borgarplast, aðrir en fyrrum viðskiptavinir PS, ekki finna fyrir neinum breytingum á þjónustu eða samskiptum við okkur, aðrar en þær að vöruframboð Borgarplast í frauðkössum mun aukast umtalsvert. Verksmiðja Borgarplast í Reykjanesbæ verður áfram rekin með óbreyttu sniði næstu mánuði og munu fyrrum stjórnendur PS áfram sjá um daglegan rekstur verksmiðjunnar.
Síðar á þessu árinu mun öll frauðframleiðsla félagsins verða sameinuð í nýju húsnæði að Grænásbraut í Reykjanesbæ. Nýtt húsnæði mun gefa félaginu færi á því að bæta framleiðsluferla sína, auka við sjálfvirkni og stórbæta vöruframboð og lausnir. Þessum breytingum er ætlað að bæta getu okkar til að veita viðskiptavinum okkar áfram framúrskarandi þjónustu og vörur á hagstæðum kjörum, sem er okkur mikið kappsmál.
Framtakssjóðurinn Umbreyting hefur fest kaup á fyrirtækjunum Borgarplasti hf. og Plastgerð Suðurnesja ehf.
Eftir kaupin mun Umbreyting eiga 78% í sameinuðu fyrirtæki en aðrir hluthafar verða Haukur Skúlason, sem verður framkvæmdastjóri og Sigurgeir Rúnar Jóhannsson auk þess sem núverandi eigendur Plastgerðar Suðurnesja munu áfram verða í hluthafahópnum.
Borgarplast er leiðandi í hverfismótaframleiðslu fyrir innanlandsmarkað og bæði félögin framleiða vörur úr frauði, húsaeinangrun og frauðkassa til útflutnings á ferskum fiskafurðum og öðrum matvælum.
„Markmið Umbreytingar er að vera öflugur bakhjarl fyrirtækja og stjórnenda þeirra. Áhersla verður lögð á að fjárfesta í fyrirtækjum sem búa yfir góðu og sannreyndu viðskiptamódeli og að stjórnendur hafi árangursmiðað hugarfar. Stefna Umbreytingar er að skila fyrirtækjum af sér í betra ástandi en þegar þau voru keypt og þannig skilja eftir sig jákvæð fótspor í íslensku atvinnulífi. Verkefnið er krefjandi og felur í sér umbreytingu á rekstri og efnahag sameinaðs félags. Félögin eru hins vegar rótgróin og rekstur þeirra traustur. Við hlökkum til samstarfsins við nýja lykilstjórnendur og meðeigendur okkar og munum styðja félagið til frekari vaxtar,” er haft eftir Gunnari Páli Tryggvasyni, framkvæmdarstjóri Alfa Framtaks, rekstraraðila Umbreytingar.
„Verkefnið er spennandi og sjáum við mörg tækifæri til að sinna viðskiptavinum betur, nýjum og núverandi. Við munum sameina rekstur félaganna fljótlega og styrkja þau til vaxtar, innanlands og erlendis, auk þess sem við munum fjárfesta í nýjum vélum og búnaði og ná þannig fram frekari hagræðingu í framleiðslu. Ég hlakka til að vinna með Alfa framtaks á þessari vegferð. Ég held að ekki hafi getað fengist betri samstarfsaðili í verkefnið en undirbúningur viðskiptanna hefur sýnt mér að Umbreyting sker sig úr öðrum innlendum sjóðum við nálgun framtaksverkefna,“ segir Haukur Skúlason framkvæmdastjóri.
Lawrence Weiner, einn af þekktustu myndlistarmönnum Bandaríkjanna, í samvinnu við i8 Gallerí og Borgarplast setti upp sýninguna Along the Shore (Fram með Ströndinni) í Reykjavík í október sl.
Sýningin saman stóð af tíu skærgulum fiskikörum frá Borgarplast sem voru áletruð og árituð af listamanninum og sýnd í i8 Gallerí. Auk þess voru framleidd fimmtíu sérmerkt ker fyrir Umbúðamiðlun sem fóru í almenn notkun og munu því verða notuð af íslenskum sjávarútvegsfyrirtækjum næstu árin.
Grein sem birtist í Rotoworld um verkefnið
