Kristján Benediktsson

Árið 1988 fékk Borgarplast hæfnisviðurkenningu frá Hollustuvernd ríkisins (nú Umhverfisstofnun) fyrir framleiðslu á rotþróm. Rotþrær Borgarplasts eru framleiddar úr Polyethylene sem er mjög sterkt og endingargott plastefni og hentar einstaklega vel fyrir íslenskar aðstæður. Polyethylene inniheldur engin eiturefni og því er efnið viðurkennt til notkunar m.a. í ílát sem geyma matvæli. Í rauninni er það þannig að vegna þess að í verksmiðju Borgarplasts eru einmitt framleidd ílát undir matvæli þá er allt ferlið og öll verksmiðjan vottuð fyrir það ferli. Þannig mætti segja að meira að segja rotþrærnar myndu að öllum líkindum verða samþykktar til notkunar í matvælaiðnaðinn ef sóst væri eftir því. En það er annað mál.

Hönnun rotþrónna okkar er þannig að þær eru langar og mjóar en ef aðstæður kalla eftir því þá getum við smíðað þær stuttar og belgmiklar. Fyrir hönnun okkar eru aðallega tvær ástæður. Annars vegar sú að tilgangur rotþróa er að hægja á fráveituvatninu í gegnum þróna og gefa möguleika á viðskilnaði vatnsins og hinna ýmsu efna í fráveituvatninu. Föstu og þyngri efnin falla til botns, en léttari efnin fljóta á yfirborðinu (t.d. fita) og mynda skán sem oft harðnar. Lengri þró er því betri en stutt, vegna þess að þar fá föstu efnin lengri tíma til að skilja sig frá vatninu og þannig minnkar einnig líkur á að siturlögn stíflist.

Hins vegar er ástæða hönnunar okkar sú að víða á Íslandi er stutt niður í hæstu grunnvatnsstöðu og forðast skal að staðsetja rotþró þar sem hæsta grunnvatnsstaða nær til hennar eða umlykur hana. Slíkt getur valdið alls kyns vandamálum og því er víða á Íslandi sem aðstæður hreinlega krefjast þess að rotþróin sé löng og mjó.

Eins og áður segir hafa rotþrær Borgarplasts verið viðurkenndar og notaðar á Íslandi síðan 1988 eða í 36 ár. Þær eru einfaldar í virkni og ef fagmenn eru notaðir til að koma þeim fyrir eru þær að mestu viðhaldslausar ef frá er talin tæming. Þær bara virka og ef rétt er staðið að öllum þáttum frá upphafi þá eru vandamál eins og lykt frá siturlögn ekki til staðar. Þess vegna mælum við alltaf með að fólk kynni sér öll mál og fái aðstoð frá fagfólki við að setja rotþrær í jörð.

En tímarnir breytast og mennirnir með. Tækninni fleytir fram og sífellt koma nýjar lausnir á markað. Sumar stoppa stutt við þar sem íslenskar aðstæður eru algjörlega sérstakar á heimsvísu og sumar innfluttar lausnir ekki hannaðar eða gerðar fyrir íslenskar aðstæður. En svo eru líka aðstæður þar sem t.d. siturlagnir eru ekki í boði og því þarf að leita annarra lausna. Og þar er ýmislegt í boði.

Við hjá Borgarplasti bjóðum upp á hinar ýmsu stærðir af rotþróm og við tökum einnig að okkur að sérsmíða rotþrær fyrir sérstakar aðstæður. Sölumenn okkar ráðleggja við val á réttri stærð en við bendum áhugasömum á að lesa sér til um rotþrær og frágang þeirra HÉR. 

Við höfum tekið saman sérstaka tilboðspakka fyrir algengustu stærðir rotþróa og hægt er að lesa frekar til um pakkana með því að smella á hlekkina hér fyrir neðan.

2.300 lítra rotþró með siturlagnasetti

2.800 lítra rotþró með siturlagnasetti

3.200 lítra rotþró með siturlagnasetti

Hafið endilega samband við sölumenn okkar með því að senda skilaboð í gegnum fyrirspurnarformið hér fyrir neðan eða með þvi að hringja í síma 561-2211 og fáið okkur til að ráðleggja um val á rotþró fyrir vorið.

Árið 2003 hóf Borgarplast framleiðslu á vegatálmum úr plasti en þeir voru hannaðir í samstarfi við Vegagerðina sérstaklega með íslenskar aðstæður í huga. Síðan þá hafa vegatálmar Borgarplasts verið notaðir til að stýra umferð bæði gangandi og akandi víðsvegar um landið og meira að segja alla leiðina til Færeyja. Tálmarnir eru ekki ætlaðir sem árekstrarvörn heldur eingöngu til að stýra umferð þar sem búið er að draga umferðarhraða niður eða þar sem sérstakar aðstæður kalla á notkun þeirra, eins og á flugvöllum.

Vegatálmarnir henta einstaklega vel á flugvöllum vegna þess að þeir uppfylla allar alþjóðlegar kröfur sem gerðar eru til vegatálma á flugvöllum. Aðstæður á flugvöllum eru þannig að t.d. snjómoksturstæki eða slökkvibílar þurfa að geta keyrt auðveldlega í gegnum tálma og þar koma vegatálmar Borgarplasts að góðum notum þar sem þeir fara vel með þau ökutæki sem keyra í gegnum þá og þola ótrúlega mikið hnjask.

Nýverið áttum við gott spjall við góðan mann sem hefur áralanga reynslu af því að vinna með vegatálma Borgarplasts bæði á flugvöllum og við vegavinnu. Hann nefndi það að fyrra bragði að vegatálmar Borgarplasts væru þeir bestu sem hann hefði notað svo við báðum hann að skrifa okkur nokkrar línur um vegatálmana sem hann reyndar kallar “barða”.

„Við erum búin að prófa ýmsar útgáfur af plast börðum og það verður að segjast að barðarnir frá ykkur eru „Rollsinn“ í þessu. Þeir hafa verið notaðir á Keflavíkurflugvelli í mörg ár með mjög góðum árangri. Þeir standast allar alþjóðlegar kröfur sem gerðar eru um svona barða á alþjóðaflugvöllum. Við fyllum þá til hálfs með vatni og þá þarf ekkert að hafa neinar áhyggjur af því þó vatnið frjósi í þeim. Þeir eru sterkir og endingargóðir og hafa eins og ég segi reynst ótrúlega vel á Keflavíkurflugvelli og víðar. Fyrir utan hversu lengi þeir endast og hversu mikið hnjask þeir þola þá er auðvelt að gera við þá og þið hafið verið snöggir að græja það fyrir okkur sem við getum ekki sjálf gert við. Ekki skemmir svo fyrir að þeir eru 100% endurvinnanlegir.“ – Kári V Rúnarsson, Jarðvinnuverkstjóri, Íslenskir Aðalverktakar

Svo mörg voru þau orð og við kunnum Kára miklar þakkir fyrir þessi meðmæli. Við höfum svo sem lengi vitað þetta en alltaf gott að heyra meðmæli frá þeim sem nota vörurnar dags daglega. Svo við rifjum aðeins upp kostina við vegatálma Borgarplasts:

• Léttir og meðfærilegir – vega aðeins 24 kg tómir
• Hægt að festa þá saman og snúa allt að 26° í læstri stöðu
• Auðvelt að fylla þá af vatni eða öðru og auðvelt að tæma með tappa í botni
• Ef þeir eru ekki fylltir alveg af vatni þarf ekki að hafa áhyggjur af því að þeir springi í frosti
• Þeir staflast vel og eru því auðveldir í geymslu
• Fara betur með vélar, tæki og bifreiðar sem nuddast utan í en steyptir
• Þola ótrúlegt hnjask en svo er einfalt að gera við þá
• 100% endurvinnanlegir

Hægt er að fá vegatálma í eftirfarandi litum:

• Rauðir
• Hvítir
• Bláir
• Gulir

Heyrið endilega í sölufólki okkar og leitið tilboða í vegatálma fyrir sumarið.

Nú í haust buðum við tilboð og hinum ýmsu vörum og gilda þau tilboð til áramóta og því stuttur tími eftir af gildistíma þeirra tilboða. Rennum aðeins yfir þessi tilboð sem gilda til áramóta.

Saltkistur

Ástæðan fyrir því að þessi yfirferð byrjar á saltkistunum er sú að við höfum ekki haft undan að taka á móti og afgreiða pantanir á saltkistum í dag. Engan skyldi þó undra þar sem það hefur verið fljúgandi hálka í dag víða um land. Tilboðsverðið á saltkistunum okkar og gildir til áramóta er 89.900 kr. m/VSK en fullt verð áður var 118.900 kr. Við erum einnig með tilboð á saltkistum fullum af salti á aðeins 119.900 kr. m/VSK.

Lagerstaðan er lág eftir daginn en á næstu dögum munum við framleiða meira til að geta annað eftirspurn. Heyrðu í sölumönnum okkar með því að hringja í síma 561-2211 eða með því að senda póst í gegnum fyrirspurnarformið hér fyrir neðan.

Heitur pottur – ljósgrár með loki

Við erum að hætta með þennan lit á heitum potti og buðum því upp á geggjaða rýmingarsölu á ljósgráum hitaveituskeljum ásamt loki á aðeins 249.900 kr m/VSK en fullt verð var 359.800 kr m/VSK. Ljóst að þarna er um hörku tilboð að ræða og nú eru aðeins 4 sett eftir á þessu tilboði sem gildir líka til áramóta. Hafið samband og tryggið ykkur hitaveituskel og lok með því að hringja í síma 561-2211 eða hafið samband í gegnum fyrirspurnarformið hér fyrir neðan.

Vörubretti úr plasti

Allar tegundir vörubretta úr plasti eru á tilboði til áramóta og hægt er að skoða verðið og upplýsingar um hverja tegund og stærð hér: – Plastbretti – 

Hafið samband og tryggið ykkur plastbretti á afslætti með því að hringja í síma 561-2211 eða hafið samband í gegnum fyrirspurnarformið hér fyrir neðan.

Borgarplast hefur frá árinu 1983 framleitt vörubretti úr plasti sem henta einstaklega vel þar sem gerðar eru miklar kröfur um hreinlæti. Brettin eru gerð úr Polyethylene plasti sem samþykkt er til matvælaframleiðslu og henta því einstaklega vel fyrir matvæla- og lyfjaiðnaðinn.

Við bjóðum upp á mismunandi stærðir og gerðir af brettum sem henta þá mismunandi verkefnum. Brettin eru sérstaklega hugsuð fyrir matvæla- og lyfjafyrirtæki þar sem gerðar eru strangar kröfur um hreinlæti. Brettin þola allt að 1.000 kg burð ef þau standa á sléttum flöt en 300 kg í hillum. Plastbrettin hafa mjög langan endingartíma sé vel farið með þau og staflast vel hvert ofan á annað. Við höfum lækkað verð á plastbrettunum okkar og bjóðum nú aukalega 20% afslátt af brettunum til áramóta. Sjá verðskrá hér fyrir neðan.

Frekari upplýsingar um plastbretti Borgarplasts hér: https://borgarplast.is/sjavarutvegur/vorubretti/

Pantanir og fyrirspurnir:

Sími: 561-2211
Tölvupóstur: borgarplast@borgarplast.is