Borgarplast hefur frá árinu 1983 framleitt vörubretti úr plasti sem henta einstaklega vel þar sem gerðar eru miklar kröfur um hreinlæti. Brettin eru gerð úr Polyethylene plasti sem samþykkt er til matvælaframleiðslu og henta því einstaklega vel fyrir matvæla- og lyfjaiðnaðinn.

Við bjóðum upp á mismunandi stærðir og gerðir af brettum sem henta þá mismunandi verkefnum. Brettin eru sérstaklega hugsuð fyrir matvæla- og lyfjafyrirtæki þar sem gerðar eru strangar kröfur um hreinlæti. Brettin þola allt að 1.000 kg burð ef þau standa á sléttum flöt en 300 kg í hillum. Plastbrettin hafa mjög langan endingartíma sé vel farið með þau og staflast vel hvert ofan á annað. Við höfum lækkað verð á plastbrettunum okkar og bjóðum nú aukalega 20% afslátt af brettunum til áramóta. Sjá verðskrá hér fyrir neðan.

Frekari upplýsingar um plastbretti Borgarplasts hér: https://borgarplast.is/sjavarutvegur/vorubretti/

Pantanir og fyrirspurnir:

Sími: 561-2211
Tölvupóstur: borgarplast@borgarplast.is

Eitt er víst að við stjórnum ekki veðrinu og fáum engu breytt með árstíðirnar. En við getum stjórnað því hvernig við bregðumst við og þá er vissara að vera undir það búin þegar veturinn kemur af fullum þunga. Borgarplast hefur um árabil framleitt salt- og sandkistur í verksmiðjunni okkar að Völuteig í Mosfellsbæ og hafa þær notið mikilla vinsælda enda sérstaklega gerðar fyrir íslenskar aðstæður. Og íslenskar aðstæður kalla heldur betur eftir því að saltkistur séu til taks við íþróttavelli, fjölbýlishús, í botnlöngum, við fyrirtæki, skrifstofubyggingar, leikvelli, skóla og fleiri staði þar sem nauðsynlegt er að geta saltað og komið í veg fyrir hálku.

Við erum á fullu að framleiða salt- og sandkistur og við ætlum núna að bjóða enn betra verð á saltkistunum okkar fram að áramótum. Nú bjóðum við saltkistur á aðeins 89.900 kr. og aðeins 119.900 kr. með salti þannig að þú getur komið og fengið allt sem þú þarft í einni ferð.

Hægt er að lesa meira um saltkisturnar hér:

Saltkistur Borgarplasts

Kíkið á okkur, hringið í síma 561-2211 eða sendið tölvupóst á borgarplast@borgarplast.is til að panta eða fræðast um saltkisturnar okkar.

Rýmingarsala

Við rýmum til á lagernum hjá okkur og bjóðum því sérstakt tilboð á ljósgráum heitum pottum. Við erum að hætta með litinn og við eigum ennþá nokkrar skeljar á lager eftir sumarið og bjóðum því ljósgráar skeljar með loki á aðeins 249.900 kr. m/VSK.

Aðeins eru ljósgráar skeljar í boði á þessu tilboði en hægt er að velja um bæði brún eða dökkgrá lok (!!Uppfært 5. október – aðeins eru dökkgrá lok eftir á lager). Tilboðið gildir á meðan birgðir endast og eins og gefur að skilja um takmarkað magn að ræða.

Við erum búin að stilla upp ljósgrárri skel í sýningarsal okkar að Völuteig 31 í Mosfellsbæ og tekur tilboðið gildi í dag, 29. september og gildir á meðan birgðir endast. Kjörið tækifæri til að ná sér í æðislegan heitan pott sem er íslensk framleiðsla ásamt vönduðu loki sem einnig er íslensk framleiðsla.

Til að panta má senda tölvupóst á borgarplast@borgarplast.is, hringja í síma 5612211 eða koma á staðinn á Völuteig 31 í Mosfellsbæ. Við tökum vel á móti ykkur.

Nýjir eigendur tóku nýverið við Borgarplasti og við eigendaskiptin var starfseminni skipt upp og frauðplastframleiðslan flutt í nýtt fyrirtæki sem heitir Formar.

Formar framleiðir og selur einangrunarplast og kassa úr frauðplasti og bendum við áhugasömum á að leita til þeirra með slíkar vörur. Símanúmer Formar er 561-2210 og verksmiðjan og afgreiðslan er að Grænásbraut 501, Ásbrú, Reykjanesbæ.

Borgarplast selur ekki lengur einangrun eða frauðkassa úr verksmiðjunni að Völuteig 31 í Mosfellsbæ en við bendum þess í stað á Formar.

Netföng Formar eru þessi:

magnea@formar.is – Söludeild

daniel@formar.is – Söludeild

pontun@formar.is – Pantanir

formar@formar.is – Önnur erindi

Borgarplast var stofnað árið 1971. Fyrstu framleiðsluvörur fyrirtækisins voru frauðplast einangrun en skömmu síðar var hverfisteypudeild stofnuð og voru fyrstu framleiðsluvörurnar plastbrúsar. Síðan þá hefur mikil þróun átt sér stað innan fyrirtækisins og framleiðsluvörum fjölgað.

Árið 2018 urðu breytingar á eignarhaldi þegar Guðni Þórðarson, einn stofnenda og aðaleigandi félagsins seldi fyrirtækið til framtakssjóðsins Alfa Framtak. Borgarplast sameinaðist þá Plastgerð Suðurnesja og var öll frauðplastframleiðsla færð á Ásbrú í Reykjanesbæ en hverfisteypuverksmiðjan var áfram í Mosfellsbæ.

Nú í sumar 2023 urðu svo aftur breytingar á eignarhaldinu þegar Umbúðamiðlun keypti hverfisteypuverksmiðjuna ásamt nafninu Borgarplast. Frauðplastdeildin varð eftir í eigu framtakssjóðsins en verður hér eftir rekin undir nafninu Formar og verður verksmiðjan áfram að Ásbrú í Reykjanesbæ. Pöntunarsíminn fyrir frauðplastið verður ennþá sá sami, 561 2210.

Umbúðamiðlun tekur nú við hverfisteypudeild Borgarplasts og eru spennandi tímar framundan hjá Borgarplasti. Umbúðamiðlun var stofnað árið 1996 og er tilgangur félagsins rekstur og miðlun umbúða og ýmis þjónusta við fiskmarkaði, kaupendur, seljendur og aðra aðila. Umbúðamiðlun hefur frá stofnun félagsins notað fiskiker frá Borgarplasti í sínum leigurekstri og í dag eru um 60.000 fiskiker í leigukerfi félagsins.

Nýjir eigendur Borgarplasts munu áfram viðhalda þeim gæðakröfum sem hafa verið við lýði hjá Borgarplasti frá stofnun og halda áfram að veita viðskiptavinum félagsins framúrskarandi þjónustu. Framtíðarstefna Borgarplasts er að verða leiðandi í vöruþróun og nýsköpun á sviði hverfisteypu.

Skrifstofur, afgreiðsla og framleiðsla mun áfram vera að Völuteig 31 í Mosfellsbæ, símanúmerið verður það sama 561 2211 og netfangið verður áfram borgarplast[hjá]borgarplast.is og Marcelo Aubert og Kristján Benediktsson munu áfram bjóða viðskiptavini velkomna og sinna fyrirspurnum og pöntunum.

Við starfsfólk Borgarplasts og Umbúðamiðlunar hlökkum til að eiga áfram ánægjuleg samskipti við viðskiptavini okkar og minnum á að það er alltaf heitt á könnunni hjá Borgarplasti að Völuteig 31 í Mosfellsbæ.

Um miðjan júní auglýstum við til sölu gallaðar hitaveituskeljar á mikið lækkuðu verði. Það er óhætt að segja að viðbrögðin létu ekki á sér standa og strax fyrstu vikuna seldist bróðurparturinn af gölluðu skeljunum sem við áttum á lager. Nú mánuði seinna er enn fólk að koma og skoða og kaupa en við eigum þó enn nokkrar skeljar eftir á lager.

Gölluðu skeljarnar kosta 139.900 kr og þegar við erum búin að gera eins og við getum til að laga gallana er í flestum tilfellum varla einu sinni hægt að sjá að skelin sé gölluð.

Ef þú vilt tryggja þér hitaveituskel á mikið lækkuðu verði og þér er sama þó hún sé lítillega gölluð, kíktu þá við á Völuteig 31 í Mosfellsbæ og skoðaðu þessar sem við eigum ennþá. Við tökum vel á móti þér og alltaf heitt á könnunni.

Við fáum reglulega fyrirspurnir um það hvernig á að velja réttu stærðina fyrir rotþró. Á vefsíðunni okkar má finna ítarlegar leiðbeiningar um allt sem viðkemur rotþróm, allt frá því að velja réttu stærðina til þess hvernig á að velja stað og setja hana niður.

Hér eru punktar um það hvernig maður ber sig að við að velja réttu stærðina.

• Hvert er íbúagildið?

Íbúðagildið er sett saman af mesta meðaltalsfjölda þeirra sem dvelja í viðkomandi byggingu í einhvern tíma þó að lámarki einn mánuð á ári (mest notaða mánuðinn) margfaldað með notkunarstuðli sem upp er gefinn í töflu sem finna má á vefsíðunni okkar.

• Dæmi um sumarbústað

Leiðbeiningar Umhverfisstofnunar um stærðir rotþróa eru þannig að minnsta rotþró fyrir sumarhús í einkaeign skal vera 2200 l og rotþró fyrir sumarhús í eigu félagasamtaka eða íbúðarhús skal vera minnst 3000 l.

Dæmi:

Sumarhús, þar sem að meðaltali dveljast stöðugt þrjár manneskjur (stundum fleiri, stundum enginn) mánuðina júní-júlí. R= 0,5 x 3 x 200 + 2000 = 2300 lítrar (sjá töflu á heimasíðunni okkar um íbúðagildið).

Aðalatriðið er þá að finna út íbúðagildið hverju sinni og beita þessari margföldun:

Rúmmál (R) rotþróar í lítrum = íbúðargildið x 200 lítrar + 2000.

Svo ber einnig að hafa í huga hvort mögulega séu fyrirhugaðar stækkanir eða auknum fjölda fólks sem dvelur í húsinu hverju sinni og reyna þá að velja frekar aðeins stærri en minni rotþró til að vera öruggur.

Ef við tökum dæmi um tilboðspakkana okkar á rotþróm þá kostar 2.300 l pakkinn okkar aðeins 309.900 kr. m/VSK en 2.800 l pakkinn aðeins 325.900 kr. m/VSK. Þarna munar ekki svo miklu í verði svo það gæti borgað sig upp á framtíðina að velja frekar stærri rotþróna en minni.

Sölufólk okkar aðstoðar að sjálfsögðu við val á réttri stærð en það er gott að vera aðeins búinn að skoða þessar tölur fyrirfram.

Eins og gefur að skilja með framleiðslu þá getur ýmislegt farið úrskeiðis og þar sem við erum með mjög strangt gæðaeftirlit þá dæmum við sumar hitaveituskeljarnar okkar gallaðar þó aðeins sé um að ræða lítinn útlitsgalla.

Heitu pottarnir okkar hafa verið mjög vinsælir undanfarin ár og við framleitt hundruði potta og eigum þess vegna nokkra útlitsgallaðar hitaveituskeljar á lager. Nú ætlum við að bjóða þessar skeljar til sölu á mikið lækkuðu verði eða 139.900 kr. sem er 100.000 kr. afsláttur af ógölluðum skeljum.

Áhugasamir geta komið til okkar að Völuteig 31 í Mosfellsbæ, skoðað, séð hvernig gallinn er og valið sér skel sem þeim líst best á. Eins og gefur að skilja fara þær skeljar sem eru minnst gallaðar fyrst og því er vissara að drífa sig að koma og skoða, velja, versla og njóta.

Borgarplast hefur í 40 ár framleitt rotþrær og aðrar fráveituvörur úr Polyethylene plasti við góðan orðstír. Við framleiðum fráveitubrunna í þremur stærðum, 400mm, 600mm og 1000mm og framlengingar á þá. Við bjóðum upp á brunna sem þola þungaumferð en einnig brunna sem ekki eru ætlaðir til að þola umferð.

Við smíðum líka rotþrær og höfum undanfarin ár boðið tilboðspakka á þessum vinsælustu stærðum af rotþróm, 2.300l, 2.800l og 3.200l. Pakkinn inniheldur rotþróna sjálfa, þrjá útloftunarstúta og siturlagnasett. Settið inniheldur öll rör, beygjur, samtengingar og jarðvegsdúk til að nota með settinu.

Tilboðspakkarnir kosta:

2.300 lítra: 309.900 kr. m/VSK

2.800 lítra: 325.900 kr. m/VSK

3.200 litra: 390.900 kr. m/VSK

Aðrar fráveituvörur

Við framleiðum líka hina ýmsu tanka og geyma, lindarbrunna, olíuskiljur, fituskiljur, sandskiljur, sandföng og margt fleira.

Heyrið endilega í sölufólki okkar í síma 561-2211 eða með tölvupósti á borgarplast@borgarplast.is og við ráðleggjum um bestu lausnirnar fyrir þig.