Þar sem umhleypingasamt hefur verið undanfarið er hálka víða orðin vandamál. Við viljum leggja okkar af mörkum í hálkuvörnum og bjóðum því saltkistur á tilboði, aðeins 98.900 kr.
Einnig er hægt að fá saltkistur fullar af salti og þar með getur þú komið við hjá okkur, sótt saltkistuna fulla af salti og þarft ekki að fara á fleiri staði til að geta byrjað að salta. Við bjóðum einnig upp á heimsendingu gegn vægu gjaldi.
Hafðu samband við okkur í síma 561-2211 eða á borgarplast@borgarplast.is
Árlega framleiðum við fleiri þúsund fiskiker og er gæðaeftirlitið okkar mjög strangt þar sem við stöndum fyrir gæðaframleiðslu. Einnig horfum við með ábyrgð á hlutverk okkar í að standa vörð um gæði og ferskleika íslenskra sjávarafurða.
Af þeim sökum falla til ker hjá okkur sem við dæmum óhæf til matvælavinnslu en þau ker flokkast í 2. flokk. Þessi ker hafa verið vinsæl í alls kyns iðnaði, til að brynna hestum í haga og sem kaldir pottar eða geymsluílát fyrir einstaklinga. Við bjóðum þessi ker á afslætti og við höfum nú uppfært vefsíðuna okkar með verðum á bæði 1. flokk og 2. flokk á vinsælustu kerjunum okkar.
Kerin eru sterk og endingargóð og hafa þess vegna verið vinsæl til margvíslegra nota. Skoðið verðin hér: https://borgarplast.is/sjavarutvegur/ker/
Hafið svo samband við sölufólk okkar til að spyrjast frekar fyrir um lagerstöðu á 2. flokks kerjum og eins um verð á þeim kerjum sem ekki eru með skráð verð.
Við kynnum til leiks enn eina nýjungina hjá okkur. Vegna fjölda fyrirspurna um saltkistur í öðrum, látlausari lit en þessar gulu þá ákváðum við að framleiða nokkur stykki af steingráum saltkistum.
Kisturnar eru steyptar úr endurunnu hráefni sem féll til sem afskurður af heitum pottum og er því í sama lit og bæði heiti og kaldi potturinn okkar. Kistan mun sóma sér vel við hvaða húsnæði sem er en hugmyndin var að gera huggulegri kistur fyrir hús í einkaeigu eins og sumarhús, fjölbýlishús eða einbýli þar sem gott er að eiga annað hvort kistu fulla af salti eða hreinlega geymslukistu.
Við gerðum vatnsprófun á einni kistunni þar sem við úðuðum vatni yfir hana og á hana úr öllum áttum og líktum eftir því allra versta í íslensku veðri. Niðurstaðan var sú að kistan er um 99% vatnsheld en aðeins lak örlítið inn á einum stað. Eflaust er hægt að gera kisturnar alveg vatnsþéttar með því að setja einhvern gúmmílista í sílsinn á kistunni.
Við hlustum á viðskiptavini okkar og komum með lausnir við vandamálunum sem þeir bera á borð til okkar. Kistan lítur stórkostlega út þó við segjum sjálf frá. Kíkið við á Völuteig 31, hringið í síma 561-2211 eða sendið okkur póst á borgarplast@borgarplast.is til að fá frekari upplýsingar.
Í dag fengum við skemmtilega heimsókn frá forsvarsmönnum Arctic Fish á Vestfjörðum. Arctic Fish starfa í laxeldi og leita nú að hentugum lausnum til að flytja þann lax sem þeir ala á markaði erlendis. Hentugust umbúðirnar fyrir slíkan flutning eru einmitt frauðkassar því þyngd og einangrunargildi EPS frauðplasts er það allra besta sem í boði er og tryggir gæði og ferskleika alla leiðina á leiðarenda.
Forsvarsmenn Arctic Fish kynntu sér starfsemi okkar að Ásbrú í Reykjanesbæ, fræddust um ferlið, gæðastjórnun og framleiðslu á frauðplastkössum Borgarplasts. Þegar unnið er með slík verðmæti eins og íslenskt sjávarfang þá skiptir máli að varan haldist fersk frá slátrun á Íslandi og alla leið á áfangastað. EPS frauðkassar hafa þann eiginleika að veita afbragðsgott einangrunargildi en á sama tíma eru þeir fisléttir og auka þar með lítið við heildarþyngdina sem flutt er og því sparast bæði kostnaður og orkunotkun í flutningnum. Þegar fyrirtæki eins og Arctic Fish, sem framleiða gæðavöru, fer að leita að umbúðum fyrir flutning á sínum afurðum þá vilja þau að sjálfsögðu ganga úr skugga um að framleiðslan á umbúðunum sé í hæstu gæðum.
Borgarplast hefur í áratugi framleitt rotþrær og hvers kyns skiljur sem henta sérstaklega fyrir íslenskar aðstæður. Á Íslandi er víða stutt niður í grunnvatn en nauðsynlegt er að setja rotþrær niður fyrir ofan grunnvatn en samt niður fyrir frostmark svo ekki frjósi í þrónni. Lengri þró er betri en stutt, vegna þess að þar fá föstu efnin lengri tíma til að skilja sig frá vatninu og þannig minnkar einnig líkur á að siturlögn stíflist. Að sama skapi hentar lengri, mjórri þró betur fyrir íslenskar aðstæður þar sem stutt er niður á grunnvatn.
Forðast skal að staðsetja rotþró þar sem hæsta grunnvatnsstaða nær til hennar eða umlykur hana. Slíkt veldur stórauknum vatnsþrýstingi á þróna og getur lagt hana saman eða lyft henni, nema sérstakar ráðstafanir séu gerðar til að festa hana niður og auka getur þurft styrk hennar. Komist grunnvatn inn í þróna í gegnum siturlagnirnar, virkar hún ekki og mengað vatnið úr henni og siturlögninni berst í grunnvatn og berst þá víða og getur valdið heilsutjóni hjá mönnum og skepnum. Því er staður eins og mýri eða votlendi vonlaus staður fyrir rotþró.
Eins og áður segir hefur Borgarplast hannað og framleitt rotþrær um áratugaskeið við góðan orðstír og það eru góðar og gildar ástæður fyrir því af hverju hönnun hefur haldist eins í áratugi. Af hverju breyta því sem virkar?
Við framleiðum alls konar fráveituvörur hjá Borgarplasti. Meðal annars hvers kyns skiljur sem ætlaðar eru til að skilja frá hin ýmsu efni eins og fitu, sand, olíu og fleira frá fráveituvatni. Allt saman er þetta gert í þeim tilgangi að skilja mengandi efni frá vatni og skila hreinu fráveituvatni út í náttúruna.
Við erum til dæmis þessa dagana að smíða risavaxnar olíuskiljur fyrir stórt athafnasvæði sem verið er að koma upp. Þær skiljur eru 3x 21 m langir tankar hver og engin smásmíði.
Heyrðu endilega í sölufólki okkar með þínar þarfir fyrir skiljur og rotþrær. Við erum til þjónustu reiðubúin í síma 561-2211 eða á borgarplast@borgarplast.is
Borgarplast hefur um árabil framleitt vörubretti úr plasti sem henta einstaklega vel þar sem gerðar eru auka kröfur um hreinlæti og viðarbretti eru ekki kostur. Brettin eru gerð úr Polyethylene plasti sem samþykkt er til matvælaframleiðslu.
Við bjóðum upp á mismunandi stærðir og gerðir af plastbrettum sem henta mismunandi aðstæðum hverju sinni. Brettin eru sérstaklega hugsuð fyrir matvæla- og lyfjafyrirtæki en þar eru gerðar strangar kröfur um hreinlæti eins og gefur að skilja. Brettin þola allt að 1.000 kg burð ef þau standa á sléttum flöt en annars 300 kg ef þau eru í hillum þar sem aðeins er burður undir sitthvorum enda. Plastbrettin gefa viðarbrettum ekkert eftir í styrk og þau endast og endast sé vel farið með þau. Þau staflast vel hver ofan á annað.
Við getum boðið upp á mismunandi liti af brettunum en sölumenn okkar eru til þjónustu reiðubúnir til að ráðleggja um besta kostinn í stöðunni fyrir þig.
Hafðu samband í gegnum fyrirspurnarformið hér að neðan eða hringdu í síma 561-2211 og leitaðu tilboða hjá sölufólki okkar.
Hægt er að skoða stærðir og gerðir hér: PLASTBRETTI
Starfsfólk og eigendur Borgarplasts óska landsmönnum öllum gleðilegs nýs árs. Við vonum að árið verði ykkur gott og við hlökkum til að veita ykkur góða þjónustu og gæðavörur á nýju ári.
Síminn í söludeildinni er 561-2211 og netfangið er borgarplast@borgarplast.is
Upplýsingar um ákveðna tengiliði innan fyrirtækisins má svo finna hér:
Starfsfólk Borgarplasts óskar viðskiptavinum og landsmönnum öllum gleðilegra jóla og farsældar á nýju ári. Þökkum viðskiptin á árinu sem er að líða og hlökkum til að taka á móti ykkur á nýju ári.
Vegna gríðarlegs fannfergis, slæmrar færðar og slæms veðurs komast starfsmenn okkar á Ásbrú ekki til vinnu nú í morgunsárið. Af þeim sökum neyðumst við til að fella niður alla afgreiðslu á frauðplasti í dag. Við munum taka stöðuna þegar líður á daginn.
Við biðjumst velvirðingar á þeim óþægindum sem þetta kann að valda en biðlum til allra að sýna skilning á þessu þar sem við stjórnum jú ekki veðrinu.
Bestu kveðjur,
Starfsfólk Borgarplasts
Olíuskiljur og fituskiljur hafa það hlutverk að skilja olíu eða fitu frá affallsvatni. Mengað vatn rennur þannig inn í skiljuna og í ferli þar sem olían er skilin frá vatninu og verður eftir í skiljunni. Lokastig ferilsins er þá að skila hreinu vatni áfram í fráveitu og þaðan út í náttúruna.
Allt nýtt atvinnuhúsnæði þar sem unnið er með olíu, fitu, grút, lýsi, lífefnaeldsneyti og fleira sem skilar sér í fráveituvatn skal búið fitu eða olíuskilju. Borgarplast hefur í rúma tvo áratugi framleitt hvers kyns skiljur; olískiljur, fituskiljur og sandskiljur.
Við höfum sérsmíðað skiljur fyrir allt frá risavöxnum bílaplönum á stórum athafnasvæðum niður í litlar fituskiljur fyrir lítil atvinnueldhús. Allar skiljur þurfa að vera smíðaðar eftir ákveðnum stöðlum sem samþykktir eru af Umhverfisstofnun. Við bjóðum upp á heildarlausnir við allar skiljur, þ.e.a.s skiljurnar sjálfar, upphækkanir fyrir mannop, vöktunarbúnað, lok og annað sem þarf í svona skiljur. Við getum einnig aðstoðað við val á réttri skilju fyrir hvers kyns rekstur.
Ef við tökum dæmi um húsnæði þar sem gerð er krafa um olískilju 4 í NS flokki 2. Skiljan verður grafin á tveggja metra dýpi og þarf að þola að þungaumferð aki yfir hana. Þá vinnum við með olíuskilju með vörunúmer 44258U en sú skilja er 1,2m í þvermál, 3,32 m að lengd og hefur 3.400 lítra vökvarúm. Það sem þyrfti til í svoleiðis skilju er skiljan sjálf, 1 meters upphækkun á mannopi og svo flotkarm með loki sem þolir þungaumferð. Svo þarf vöktunarbúnað til að fylgjast með þegar tími er kominn til að tæma skiljuna af olíu. Svona skilja með öllu myndi kosta samtals 962.928 kr. M/VSK.
Við sérsmíðum allar olíuskiljur og fer afhendingartíminn eftir því hversu stór skiljan er og svo verkefnastöðunni í verksmiðjunni. Öll smíði fer fram hér að Völuteig í Mosfellsbæ þar sem við framleiðum tankana, framlengingarnar og rörin sem fara í svona skilju. Allt saman er þetta íslensk framleiðsla. Til þess að gera framleiðsluna eins umhverfisvæna og mögulegt er blöndum við endurunnu plastefni út í uppskriftina. Við notum þá afskurð sem fellur til við framleiðslu á skiljum, kurlum það niður í duft sem við síðan blöndum saman við nýtt efni. Með þessari aðferð drögum við stórkostlega úr förgun á plastefni sem fellur til við framleiðsluna og gröfum þess í stað í jörð í formi olíuskilju sem hefur það hlutverk að skilja olíu frá vatni og skila hreinu vatni út í náttúruna að nýju.
Veljum íslenskt og styðjum við íslenskan iðnað og atvinnulíf.
